চট্টগ্রাম শুক্রবার, ২৫ জুন, ২০২১

৬ জুন, ২০২১ | ৯:৩১ অপরাহ্ণ

মোহাম্মদ আবদুস সালাম

চাটগাঁ শঅরত্ বিষ্টি ফরের

চাটগাঁ শঅরত্ বিষ্টি ফরের

ডুবি গেইয়ি রাস্তা।

ক্যানে যাইয়ুম্ অফিসুত্ আঁই

রিক্সা ন ফাইর সস্তা।

গাড়ি বিয়াক্কিন থিয়াই রইয়ে

কী গরিবু তারা!

হনো মিক্কা যাইত ন ফারের

হাজর মানুষ যারা।

হোন্ডা একখান হাইত অই রঁইয়ি

মানুষ অলে আঁশের।

আরেক জনে ঈয়ান দেহি

মনের দুঃখে হাশের।

নালা বেগ্গুন জ্যাম অই গেইয়ে

বোতল ফলিথিনে।

জিউত্ ঈয়ুত ময়লা ফেলাই

রাতিয়া আর দিনে।

ফানি দেহি মনত্ অদ্দে

ইবা উগ্গা নদী।

বর্ষা কালে ক্যাঁনে থাইবু

চিন্তা গরের বদি।

বদি হদ্দে ক্যান্ গইজ্জুম আঁই

বাড়ি আঁরার এণ্ডে।

বিষ্টি অঁইলো থঅন্ ফরিবু

আঁরা যাঁইয়ুম হণ্ডে!

পূর্বকোণ/মামুন/পারভেজ

শেয়ার করুন
The Post Viewed By: 732 People

সম্পর্কিত পোস্ট